Privatarkiv

Tilgang til privatarkiv

Innsyn i privatarkiv blir fått ved førespurnad på førehand. Byarkivet kontaktar deg for å avtale besøk på lesesalen når ønskt arkivmateriale er funne fram.

Vêr merksam på at enkelte arkiv er klausulert, og dermed ikkje fritt tilgjengeleg for publikum.

Alle desse arkiva finn du òg ved å søkje i www.arkivportalen.no, der du kan søkje i arkiv frå heile landet.

Oversikt og informasjon om privatarkiva våre finn du her på stavangerbyarkiv.no.

Kva er privatarkiv?

Privatarkiv er arkiv som er skapte i privat sektor. Men privat sektor er så mangt, og arkiva har store innbyrdes forskjellar når det gjeld opphav, omfang og struktur. Vi deler derfor privatarkiva inn i ulike kategoriar. Informasjonen om kva dei ulike arkiva betyr er henta frå boka «Privatarkiv» av Wilhelm Lange, Dag Mangset og Øyvind Ødegaard. Boka er ein del av Riksarkivets skriftserie, og er tilgjengeleg på lesesalen til byarkivet.

Har du arkiv?

Har du liggjande papir etter mormors sybutikk? Farfars konfeksjonsagentur eller kolonialbutikk? Kanskje nokon var eldsjel i nabolaget eller dreiv ei husmorforeining? Dokument som fortel om levd liv, om alle små og store bedrifter, lag og foreiningar i Stavanger, om kultur og fritid, ligg på mange loft og bakrom, kjellarar og garasjar. Det er lett å tru at materialet ikkje er av interesse, men kanskje har vi ikkje hjarte til å kaste det heller. Då kan det vere ein god grunn til å kontakte Stavanger byarkiv! Vi tek vare på historia!

Send ein e-post til byarkivet@stavanger.kommune.no eller ring oss på 51 50 71 58.

Lokale avisar

Her er ei oversikt over avissamlingar hos byarkivet. Vêr merksam på at enkelte eksemplar ikkje er tilgjengeleg på grunn av tilstanden til materialet.

Dei fleste av avisene kan finnast fram ved uanmeldt frammøte. Du må sjølv fotografere dei artiklane du måtte ønskje, med eigen mobil eller teke med kamera.

For dei som ikkje har høve til å komme til lesesalen viser vi til Nasjonalbiblioteket for bestilling av kopiar.

Avis	Utgivingsår	Årgangar tilgjengeleg på lesesalen	Merknad
Stavanger Adresseavis	1833-1840		Heldt fram som Stavanger Amtstidende og Adresseavis
Stavanger Amtstidende og Adresseavis	1841-1906	1845-1847, 1852, 1859, 1888-1906
Stavangeren [I]	1852-1899	1852-1855, 1860-1861, 1886-1899	Stavangeren vart seld til og slått saman med «Stavanger Avis» i 1899.
Noreg	1883-1890		Særutgave for Stavangeren
Vestlands-Posten / Vestlandsposten	1878-1916	1879-1881, 1888-1916
Rogalands Folkeblad	1888	1888	Frå 1.1.1889 utkom avisa som dagblad under namnet Stavanger Avis
Stavanger Avis	1889-1911	1889-1911
Stavanger Annonce-tidende	1893-1894
Stavanger Aftenblad	1893-1942, 1945-	1893-1970
1ste Mai	1899-1940, 1945-1955	1899-1940, 1945-1955	Vart slått saman med Haugaland Arbeiderblad og endra namn til Rogalands Avis i 1955.
Rogaland: Blad for Avhold og fred	1905-1920	1918-1920	Utkom som fortsetjing av avisa Dag, Haugesund.
Vestlandet	1906-1916	1906-1916
Rygja Tidend	1909-1918	1909-1918
Vestlandske Socialdemokrat	1909
Stavanger Morgenblad	1911-1912	1911-1912
Stavangeren [II]	1916-1942, 1945-1964	1916-1942, 1945-1964	Endra namn til Stavanger Morgenavis i 1965.
Vekas Gang	1918
Stavanger Socialdemokrat	1921-1927	1921-1927
Rogaland (II)	1925-1988	1925-
Rogalands Arbeiderblad	1926-1927
Vestlandets Avis	1934-1936	1934-1936
Stavanger Avis (II)	1942-1945	1942-1945	Stavanger Aftenblad og Stavangeren vart slått saman til Stavanger Avis av Pressedirektoratet, for å halde betre kontroll over kva avisene inneheldt.
Rogalands Avis	1955-	1955-1984
Stavanger Morgenavis	1965-1967	1965-1967	Tidlegare Stavangeren
Vestkysten	1987