Vil du etablera og driva kafé på innbyggjartorget på Judaberg?
Kommunen søkjer nå etter lokale bedrifter som ønskjer å etablera og driva kaféen på innbyggjartorget i Finnøy kommunedel.
Denne nyhetssaken er mer enn en måned gammel. Innholdet kan derfor være foreldet eller ikke oppdatert.
Gå til stavanger.kommune.no/nyheter for siste nytt.
Etter sommaren opnar Stavanger kommune dørene til eit nytt innbyggjartorg på Judaberg i Finnøy kommunedel. Innbyggjartorget er ein arena for å møtast, byggja fellesskap og samarbeida om det som skjer lokalt. Her er det hyggjelege sosiale soner og café, arbeidsfellesskap, fleksible møterom, kreative rom, frivilligsentral og innbyggjarservice.
Etablera kafé
Kommunen søkjer nå etter lokale bedrifter som ønskjer å etablera og driva kaféen på innbyggjartorget. Kaféen er tilrettelagt for enkel tillaging og sal av mat og drikke på staden. Den som driv kaféen må ha tilgang til eit godkjent produksjonskjøkken utanom lokala på innbyggjartorget.
Saman med innbyggjarane
På innbyggjartorget skal tilbod og aktivitetar utviklast og driftast saman med innbyggjarane og lokale aktørar. Me ønskjer at kaféen skal vera ein del av samdrifta på torget.
Dialogmøte og kontaktinformasjon
Me inviterer til individuelle dialogmøte med interesserte bedrifter i forkant av anbudskonkuransen. Interesse for deltakelse i anbudskonkuranse og eventuell deltakelse på dialogmøte sendast på epost til innbyggjartorgkoordinator Rita Lindås innan 4. juni kl. 15.00, til: rlindas@stavanger.kommune.no.
Me ønskjer oppstart av cafédrifta i slutten av august.