Spelereglar for politisk debatt i Stavanger

Spelereglar for god politisk debatt

Eit godt debattklima er berebjelken i demokratiet.

Frisk debatt skapar engasjement og driv fram gode løysingar. Derfor må vi sørger for at alle som har noko å seia, tør å seia det. Demokratiet skal vera for alle.

Som folkevalde er vi førebilete i samfunnsdebatten. Måten vi snakkar til kvarandre på har noko å seia for korleis ytringsklimaet i samfunnet utviklar seg. Og den kollegiale tonen oss imellom betyr mykje for kor attraktivt det er å vera politikar.

Spelereglane skal bidra til ein konstruktiv, engasjerande og sakleg politisk debatt. Dei skal hjelpa oss å finna gode politiske løysingar, opplysa og engasjera innbyggarane, og gjera det meir attraktivt å driva med politikk.

Samtidig skal vi alltid vareta ytringsfridommen. Då er det heilt nødvendig å sikra takhøgde i debattane.

Som folkevalde i Stavanger kommune skal vi legge vinn på å

1. Debattera sakleg og halda oss til saka… men det er lov å bruka humor.
2. Respektera andre og deira meiningar… men det er lov med frisk meiningsutveksling
3. Ikkje tillegga andre meiningar… men det er lov å visa konsekvensar av politikk
4. Ta den plassen vi treng… ikkje meir
5. Ta ordet når vi har noko å tilføra… ikkje oftare
6. Være høfleg og hyggjeleg med andre… ikkje berre når vi er på veljarjakt

Vi er folkevalde heile døgnet. Spelereglane er gode å følga både i formelle politiske strukturar og i tradisjonelle og sosiale medium.