Stavanger kommune ber pårørande om innspel til ny plan
Stavanger kommune skal for første gong lage ein temaplan for samarbeid med pårørande innan helse og velferd, og ber om di meining!
INVITERER TIL DIALOG: Stavanger kommunen inviterer pårørande til dialog om samarbeid i Folkets Hus 17. juni.
Som pårørande kjenner du pasienten/brukaren godt og har verdifull erfaring. No ønskjer kommunen dine innspel til temaplanen. Pårørande spelar ei viktig rolle både for sine nærståande og for tenestene i kommunen.
Du som er pårørande inviterast til ei dialogsamling 17. juni på Folkets Hus kl. 17-19. Der kan du seie di meining om kva som fungerer godt, kva som er utfordrande og korleis samarbeidet med kommunen kan bli betre.
Du kan óg gje innspel digitalt via nettsida vår:
👉 Temaplan for pårørandesamarbeid
Kvifor er dette viktig?
Temaplan for pårørendesamarbeid skal gjelde frå 2026 til 2029 og bidra til at:
- pårørande vert ein naturleg del av kvardagen i helse- og velferdstenestene
- tilsette får betre kompetanse på samarbeid og kommunikasjon
- pårørande får klare rutinar, god informasjon og meir støtte
Alle typar pårørande – barn, unge og vaksne – skal få vere med. Den pårørande er ofte den viktigaste støtta til pasienten eller brukaren. Difor er di meining viktig!