Idrettens ildsjelpris 2026

Prisen blei overrekt av ordførar Tormod W. Losnedal under eit arrangement på Tou måndag 12. januar.

Under tilstelninga ble og ei rekke idrettsutøvarar heidra for sigrar i norske og utanlandske meisterskap i 2025. Last ned og les heile lista (PDF)

– Eg blei veldig overraska over å få prisen. Vi er mange i Stavanger som arbeider for idretten på ulike måtar. Det er stor stas å bli vald ut blant mange andre, seier Britt Eli Pedersen.

Juryen trekkjer fram at Pedersen brenn for å inkludera alle, og at ho arbeider spesielt for rekruttering av jenter til bryteidretten.

– Det er særleg hyggeleg å få denne prisen rett i etterkant av helgas NM i bryting, der det unge talentet Melina Samsonsen frå Stavanger Bryteklubb sikra seg NM-gull og kongepokal, seier Pedersen.

Årets Ildsjelpris blir tildelt ein person som har bidrege og vist eit sterkt engasjement for idrettslaget sitt i over 20 år, og som er ein aktiv pådrivar for idretten både lokalt og nasjonalt.

Juryen skriv elles i si grunngjeving at Britt Eli Pedersen har hatt dei fleste rollene i klubben, som styreleiar/styremedlem og hovudtrenar. Ho er også styremedlem i Norges Bryteforbund. Pedersen er grunnleggaren av idrettslaget som representerer ein idrett som ikkje fanst i Stavanger før ho starta idretten og laget. Juryen framhevar at prisvinnaren bruker svært mange timar kvar veke på idrettslaget som trenar og nestleiar. Ho bruker også helger og feriar til å følgja utøvarar på konkurransar i inn- og utland.

Delt ut for 16. gong

Idrettens ildsjelpris blei første gong delt ut i 2010, og årets tildeling var den 16. i rekka. Prisen blir delt ut av Stavanger kommune og idrettsrådet, på vegner av heile idretten i Stavanger. Vinnaren av ildsjelprisen mottar ein sjekk på kr 25 000 og eit synleg heidersbevis i form av eit diplom.

Norske og internasjonale meistrar 2025