Judaberg innbyggartorg

Opningstider

• Måndag - fredag: kl. 09.00–14.00

Sjå innbyggartogets facebookside Innbyggartorget på Finnøy for oppdatert oversikt over komandre aktivitetar og tilbod på torget.

Kva skjer på innbyggjartorget? 

Aktiviteten på innbyggjartorget blir skapt av brukarane – organisasjonar og lag, næringsliv, kommunale einingar, eldsjeler med meir. Du kan låne lokale for å gjennomføre eigne arrangement eller bestille møterom for møte og samtalar.

Innbyggartorget er for alle!

Lån og leige av lokale og drop-in arbeidsplassar

Innbyggartorget tilbyr lokale til aktivitetar som bidreg til engasjement og utvikling i lokalsamfunnet, og som gir innbyggjarane tilgang til kommunale tilbod og tenester.

Vi låner ut lokale til opne og lukka arrangement, møte, kurs og seminar.

Meir informasjon om lokale og booking

Innbyggarbussen

Lån av Peugeot E-Traveller 8-seter

Bussen kan køyrast med førarkort klasse B og har ei rekkevidd på om lag 340 km. Han kan lånast av lag, foreiningar, kommunedelsutval og kommunale einingar på Finnøy og Rennesøy. Leigetakar må vere minst 23 år og ha gyldig førarkort.

Pris
• Lag og foreiningar: Gratis
• Kommunedelsutval: Gratis
• Kommunale einingar: 250 kr per dag
• Lånar/leigetakar betaler bom og ferje

Spørsmål om lån av innbyggjarbussen:  
Ring Frivilligsentralen 99 39 85 95.

Les om henting, forsikring og barnesete på bookingsystemet aktiv kommune. 

Kva er et innbyggartorg?

Vi er opptekne av å skape gode lokale møteplassar mellom kommunen, innbyggjarane, næringslivet og frivillige lag og organisasjonar. Intensjonen er å leggje til rette for engasjement og utvikling i lokalsamfunna, og gi innbyggjarane tilgang til kommunale tilbod og tenester.

Dette skal vere ein stad der ein kan møte kommunen og kvarandre – ein møteplass med låg terskel og stor takhøgd. På denne måten ønskjer vi å skape kort avstand mellom innbyggjarane og kommunen.

Judaberg innbyggjartorg ligg i Finnøy kommunedel, men er eit tilbod til innbyggjarane i heile kommunen. Innbyggjartorga skal leggje til rette for samkjensle, identitet og fellesskap i kommunedelen og i kommunen.

Hovudfunksjonane til innbyggartorget er:
• Deltaking – arena for innbyggjarinvolvering, deltaking og styrkt nærdemokrati
• Tenester – kontaktpunkt for kommunale tenester og tenesteutvikling
• Stadutvikling – møteplass for engasjement, fellesskap og samskaping om utvikling av lokalsamfunnet